چاره‌كرنا پرسا كوردي دووماهي شانسێ حوكمه‌تا ئه‌ردۆگاني يه
ئامه‌د، رێزان چه‌ليك:
ئه‌ندامه‌كا په‌رله‌مانێ توركيا ديار كر كو ره‌وشا نها ل توركيا گه‌له‌ك هه‌ستياره و ناكۆكيێن حوكمه‌تا و جه‌ماعه‌تا گوله‌ن رۆژ ب رۆژێ دژوار دبن و ئه‌و يه‌ك دێ كاريگه‌ريا خوه ل ده‌نگێ پارتا ئه‌ردۆگاني دا بكه‌ت و ژ به‌ر هندێ ژي نها باشترين ده‌ليڤه بۆ ئه‌ردۆگاني ئه‌ڤه كو پرسا كوردي چاره بكه‌ت دا ب پشته‌ڤانيا كورد بشێت ئالۆزيێن توركيا چاره بكه‌ت و ژ بلي وێ يه‌كێ چو رێيێن دي ل پێشيا ئه‌ردۆگاني و حكوومه‌تا وي دا نه‌ماينه.
له‌يلا زانا ئه‌نداما په‌رله‌مانێ توركيا د ديداره‌كا تايبه‌ت دا بۆ رۆژناما ئه‌ڤرۆ ديار كر كو ناكۆكيێن د ناڤبه‌را جه‌ماعه‌تا فه‌توللا گوله‌ن و حوكمه‌تا ئه‌ردۆگاني دا رۆژ ب رۆژێ ئالۆزتر دبن و بۆ مه ئاشكرايه كو ئه‌و ناكۆكيێن د ناڤبه‌را وان دا ژ به‌ر ده‌ستهه‌لاتێ نه و گۆت: (ب سالان گوله‌ن و ئه‌ردۆگاني پێكڤه ل سه‌ر بنه‌مايێ دژبه‌ريا مافێ گه‌لێ كورد ل توركيا سياسه‌تا خوه برێڤه برينه و پشتي راگرتنا شه‌ري ل توركيا نها ئه‌و ل سه‌ر چاوانيا ده‌ستهه‌لاتێ دژبه‌ريا ئێكدو دكه‌ن و ژ به‌ر هندێ ژي كورد چو ده‌مه‌كێ نابنه ئاليه‌ك ژ وان ناكۆكيان به‌لكو مه دڤێت د زووترين ده‌م دا پرسا كوردي ل توركيا بهێته چاره‌كرن).
ئه‌نداما په‌رله‌مانێ توركيا د به‌رده‌واميا ئاخڤتنا خوه دا ئه‌و يه‌ك ژي ديار كر كو نها پێگه‌هێ ئه‌ردۆگاني وه‌ك به‌رێ نينه و ئه‌نجامێ هه‌لبژارتنان ژي دێ نيشا ده‌ن رێژه‌يا ده‌نگي پارتيا وي كێم بووينه و ژ به‌ر هندێ ژي ئه‌ردۆگان دێ پتر ته‌نگاڤ بيت و هه‌كه ئه‌ردۆگان بڤێت پشته‌ڤانيا كوردان بده‌ستڤه بينيت دڤێت بێي گيروبوون ده‌ست ب چاره‌كرنا پرسا كوردي بهێته كرن، چونكو ئێدي كورد گوه ناده‌نه گۆتنان به‌لكو كوردان نها پێنگاڤێن پراكتيكێ دڤێت و ژ به‌ر هندێ ژي ئه‌ردۆگان شانسێ خوه يێ دووماهيێ دڤێت باش بكار بينيت كو ئه‌و شانس ژي ده‌نگێ كوردايه و گۆت: ( هه‌تا نها ب ده‌هان حوكمه‌ت ژ به‌ر كو پرسا كوردي چاره‌سه‌ر نه‌كرن ل توركيا هاتنه گوهۆڕين و ئه‌ردۆگان ژي نها يێ بزاڤێ دكه‌ت جاره‌كا دي ياريێ ب كارتا كوردي بكه‌ت و ئه‌م ژي دبێژين بلا ب نيه‌ته‌كا پاك سه‌ره‌ده‌ريێ ل گه‌ل كوردان بكه‌ت و پرسا كوردي چاره بكه‌ت، رۆژانه دبێژن دێ قۆناغا ئاشتيێ به‌رده‌وام بيت و هێشتا ژي بۆ كوردان ئاشكرا نه‌بوويه كا وان دڤێت ب رێيا قۆناغا ئاشتيێ چ بۆ كوردان بكه‌ن يان ژي مه‌ره‌ما وان يا سه‌ره‌كي چيه).
ئه‌نداما په‌رله‌مانێ توركيا ئه‌و يه‌ك ژي نه‌ڤه‌شارت كو د ڤان ده‌مێن دووماهيێ دا گه‌له‌ك جه‌نه‌رالێن به‌رێ يێن له‌شكرێ توركيا ب تاوانا ئه‌رگه‌نه‌كونێ هاتبوونه گرتن، هاتنه ئازاد كرن لێ ب هزاران گرتيێن سياسي يێن كورد ل زيندانێن توركيا دانه و هه‌تا نها ژي ئه‌ردۆگان به‌حسێ ئازاديا وان ناكه‌ت و ژ به‌ر هندێ ژي نها گومانێن مه‌زن ل ده‌ف كوردان دروست بوويه كا براستي ئه‌ردۆگاني دڤێت پشتي هه‌لبژارتنان چ بكه‌ت و گۆت: (كوردان به‌رهه‌ڤيه‌كا باش بۆ هه‌لبژارتنان كريه و ئه‌م باوه‌رين دێ ئه‌نجامه‌كا گه‌له‌ك باش ژي بده‌ستڤه بينن، ئێدي كورد باش دزانن ده‌مێ هندێ هاتيه كو ئه‌و ب خوه بريارێ ل سه‌ر پاشه‌رۆژا خوه بده‌ن و هه‌لبژارتنێن باژێرڤانيان يێن 30 ئادارێ ژي گرنگن و بێگومان سه‌ركه‌ڤتنا كوردان د ڤان هه‌لبژارتنان دا دێ جاره‌كا دي په‌ياما ئاشكرا يا كوردان بيت بۆ ده‌وله‌تا توركيا كو دڤێت ئه‌و پرا كوردي چاره بكه‌ن و ئه‌م باش ژي دزانين كو دڤێت پرسا كوردي ل گه‌ل نوونه‌ر و ئيرادا سياسي يا كوردان بهێته چاره‌كرن، كورد وێ چاره‌سه‌ريێ ناخوازن يا كو حوكمه‌تا ئه‌ردۆگان ل گۆر به‌رژه‌وه‌نديێن خوه بده‌ته پێش و مه‌ره‌م ژي ژ وێ چاره‌سه‌ريێ ب هێزكرنا پێگه‌هيێ خوه يێ سياسي بيت، چونكو كورد ئێدي ناهێنه خاپاندن).
له‌يلا زانا ئه‌نداما په‌رله‌مانێ توركيا د ديداره‌كا تايبه‌ت دا بۆ رۆژناما ئه‌ڤرۆ ديار كر كو ناكۆكيێن د ناڤبه‌را جه‌ماعه‌تا فه‌توللا گوله‌ن و حوكمه‌تا ئه‌ردۆگاني دا رۆژ ب رۆژێ ئالۆزتر دبن و بۆ مه ئاشكرايه كو ئه‌و ناكۆكيێن د ناڤبه‌را وان دا ژ به‌ر ده‌ستهه‌لاتێ نه و گۆت: (ب سالان گوله‌ن و ئه‌ردۆگاني پێكڤه ل سه‌ر بنه‌مايێ دژبه‌ريا مافێ گه‌لێ كورد ل توركيا سياسه‌تا خوه برێڤه برينه و پشتي راگرتنا شه‌ري ل توركيا نها ئه‌و ل سه‌ر چاوانيا ده‌ستهه‌لاتێ دژبه‌ريا ئێكدو دكه‌ن و ژ به‌ر هندێ ژي كورد چو ده‌مه‌كێ نابنه ئاليه‌ك ژ وان ناكۆكيان به‌لكو مه دڤێت د زووترين ده‌م دا پرسا كوردي ل توركيا بهێته چاره‌كرن).
ئه‌نداما په‌رله‌مانێ توركيا د به‌رده‌واميا ئاخڤتنا خوه دا ئه‌و يه‌ك ژي ديار كر كو نها پێگه‌هێ ئه‌ردۆگاني وه‌ك به‌رێ نينه و ئه‌نجامێ هه‌لبژارتنان ژي دێ نيشا ده‌ن رێژه‌يا ده‌نگي پارتيا وي كێم بووينه و ژ به‌ر هندێ ژي ئه‌ردۆگان دێ پتر ته‌نگاڤ بيت و هه‌كه ئه‌ردۆگان بڤێت پشته‌ڤانيا كوردان بده‌ستڤه بينيت دڤێت بێي گيروبوون ده‌ست ب چاره‌كرنا پرسا كوردي بهێته كرن، چونكو ئێدي كورد گوه ناده‌نه گۆتنان به‌لكو كوردان نها پێنگاڤێن پراكتيكێ دڤێت و ژ به‌ر هندێ ژي ئه‌ردۆگان شانسێ خوه يێ دووماهيێ دڤێت باش بكار بينيت كو ئه‌و شانس ژي ده‌نگێ كوردايه و گۆت: ( هه‌تا نها ب ده‌هان حوكمه‌ت ژ به‌ر كو پرسا كوردي چاره‌سه‌ر نه‌كرن ل توركيا هاتنه گوهۆڕين و ئه‌ردۆگان ژي نها يێ بزاڤێ دكه‌ت جاره‌كا دي ياريێ ب كارتا كوردي بكه‌ت و ئه‌م ژي دبێژين بلا ب نيه‌ته‌كا پاك سه‌ره‌ده‌ريێ ل گه‌ل كوردان بكه‌ت و پرسا كوردي چاره بكه‌ت، رۆژانه دبێژن دێ قۆناغا ئاشتيێ به‌رده‌وام بيت و هێشتا ژي بۆ كوردان ئاشكرا نه‌بوويه كا وان دڤێت ب رێيا قۆناغا ئاشتيێ چ بۆ كوردان بكه‌ن يان ژي مه‌ره‌ما وان يا سه‌ره‌كي چيه).
ئه‌نداما په‌رله‌مانێ توركيا ئه‌و يه‌ك ژي نه‌ڤه‌شارت كو د ڤان ده‌مێن دووماهيێ دا گه‌له‌ك جه‌نه‌رالێن به‌رێ يێن له‌شكرێ توركيا ب تاوانا ئه‌رگه‌نه‌كونێ هاتبوونه گرتن، هاتنه ئازاد كرن لێ ب هزاران گرتيێن سياسي يێن كورد ل زيندانێن توركيا دانه و هه‌تا نها ژي ئه‌ردۆگان به‌حسێ ئازاديا وان ناكه‌ت و ژ به‌ر هندێ ژي نها گومانێن مه‌زن ل ده‌ف كوردان دروست بوويه كا براستي ئه‌ردۆگاني دڤێت پشتي هه‌لبژارتنان چ بكه‌ت و گۆت: (كوردان به‌رهه‌ڤيه‌كا باش بۆ هه‌لبژارتنان كريه و ئه‌م باوه‌رين دێ ئه‌نجامه‌كا گه‌له‌ك باش ژي بده‌ستڤه بينن، ئێدي كورد باش دزانن ده‌مێ هندێ هاتيه كو ئه‌و ب خوه بريارێ ل سه‌ر پاشه‌رۆژا خوه بده‌ن و هه‌لبژارتنێن باژێرڤانيان يێن 30 ئادارێ ژي گرنگن و بێگومان سه‌ركه‌ڤتنا كوردان د ڤان هه‌لبژارتنان دا دێ جاره‌كا دي په‌ياما ئاشكرا يا كوردان بيت بۆ ده‌وله‌تا توركيا كو دڤێت ئه‌و پرا كوردي چاره بكه‌ن و ئه‌م باش ژي دزانين كو دڤێت پرسا كوردي ل گه‌ل نوونه‌ر و ئيرادا سياسي يا كوردان بهێته چاره‌كرن، كورد وێ چاره‌سه‌ريێ ناخوازن يا كو حوكمه‌تا ئه‌ردۆگان ل گۆر به‌رژه‌وه‌نديێن خوه بده‌ته پێش و مه‌ره‌م ژي ژ وێ چاره‌سه‌ريێ ب هێزكرنا پێگه‌هيێ خوه يێ سياسي بيت، چونكو كورد ئێدي ناهێنه خاپاندن).
تعليقات
إرسال تعليق