شنگال: 10 تیرورستێن داعش هاتنه كوشتن
رائید خه‌تاب بانكى فه‌رماندێ سریا سێ ژ فه‌وجا دوو یا لیوا هه‌شت سه‌ر ب هێزێن پێشمه‌رگه‌ى ڤه ل شنگالێ راگه‌هاند: ئه‌ڤرو تیرورستێن داعش ل تاخێ نه‌سرى یا باژێركێ شنگالێ هێرش ئینا سه‌ر سه‌نگه‌رێن هێزێن پێشمه‌رگه‌ى، به‌لێ پێشمه‌رگێن لیوا هه‌شت ژ دویریا پێنجى مه‌تران ب دژوارى روى ب روى بوون كو بتنێ د ده‌مێ ده‌مژمێره‌كێ دا هێرش هاته ژناڤبرن و زیانه‌كا مه‌زن ژى گه‌هانده تیرورستێن داعش و نه‌چار بوون ب ره‌ڤن.سه‌باره‌ت ئه‌و زیانێن گه‌هاندینه تیرورستێن داعش گوت : دوشكه‌ك هاته ژناڤبرن و لدویڤ پێزانێن مه نێزیكى ده‌ه تیرورستێن داعش هاتینه كوشتن و بریندار ژى هه‌بوون، خوشبه‌ختانه پێشمه‌رگێن قه‌هره‌مان هه‌مى ب سلامه‌تن.
ب گوتنا ناڤبرى ژبلى ئاگربارانكرنا هێزێن پێشمه‌رگه‌ى بو سه‌ر وان تیرورستێن هێرش ئیناى، فروكێن شه‌رى یێن ئه‌مریكا و هه‌ڤپه‌یمانان ژى باره‌گایێن تیرورستان توپبارانكرن د وى تاخى دا، و هه‌ر ئه‌ڤرو ژى كومه‌كا تیرورستێن داعش كرنه ئارمانج و چار لێ كوشتن.
تعليقات
إرسال تعليق